Klikatu irudian ikastolak ikasturte berria modu seguruan antolatzeko hartutako neurriak ikusteko. 

IKASTURTE BUKAERAKO JAIALDIA

2021/05/24

Datorren Ekainaren 18an, ostirala, Ikasbide Ikastolak ikasturte bukaerako jaialdia ospatuko du. Sentitzen dugu baina aurten Covid19-ak eragindako pandemia dela eta gurasoek ezin izango duzue ikastolara bertaratu eta beraz festa ikasle eta irakasleek soilik ospatuko dugu, barneko festa izanik. Festaren antolaketan Guraso Elkartea eta ikastola elkarlanean aritu gara egun honetan ikaslegoak ahalik eta gehien goza dezan. Hainbat jarduera gozagarri antolatu ditugu, hala nola: Puzgarriak, magoa, photocall-a, ohe elastikoak… Eskerrak eman nahi genizkioke Guraso Elkarteari ekintza hauen finantziazioagatik. 

Bestalde, egun honetan LH6-ko ikasleei Agurra egingo zaie, gure ikastetxean azken eguna izango baitute, ikaskuntzaren ibilbidean ongi jarrai dezatela opa diegu! ZORTE ON!

HEZKIDETZA IKASBIDEN “Lanbideak eta generoa”

2021/05/21

Dakizuen moduan, 20-21 ikasturtean Hezkidetza programa daramagu aurrera eta horren harira aurreko astean aurrera eramandako jardueren berri eman nahi dizeugu. Haur Hezkuntzako 5 urteko gelatik, Lehen Hezkuntzako 6.mailara bitartean lanbideak eta generoa landu ditugu eta horretarako ustez gizonezkoen lanbideak edo agian, emakume gutxiengoak dire  lanbideetan aritzen diren emakumeak izan ditugu ikastetxean. Eskerrak eman nahi dizkiegu Tatuatzaile, Elektrikari, Suhiltzaile, Tren Gidari, Arotz eta Rugby jokalariei ekimen honetan parte hatzeagatik.

Karpa


  1. 2021.03.17 |

Euria iragarrita dagoen aste honetan, poz handiz, eskolan jarri diguten karpa berria aurkeztu nahi dizuegu. Honek 40x25 metrotako estalgunea eskaintzen digu, egun euritsuetan ere gure ikasleei kanpoan jolasteko aukera emanez.  

Prentsa idatzian ere eman dute honen berri:

https://www.noticiasdegipuzkoa.eus/gipuzkoa/donostia/2021/02/02/instalaran-carpas-patios-morlans-e/1086105.html

https://www.diariovasco.com/san-sebastian/recreo-cubierto-ikasbide-20210202190232-nt.html

 

Nor da euriaren beldur?

Emakumearen Eguna


  1. 2021.03.08 |

Berdintasuna aldarrikatzea eguneroko lana bada ere, gaurkoan bereziki, EMAKUMEAREN NAZIOARTEKO EGUNA ospatzeko, hainbat jarduera egin ditugu Ikasbiden.

Etxeko lanak denon ardura direla ez ahazteko, eskola osatzen dugun guztion artean, “IKASBIDE ETXEKOLANETAN” horma-irudi erraldoia osatu dugu. Gure ikasleak etxeko lanetan buru belarri jarri dira haien etxeetan eta hori islatzen duten hamaika argazkiz bete dute gure jolastokiko pareta.

Horretaz gain, gure liburutegiko sarreran, emakumeak protagonistak diren liburuen erakusketa jarri da emakume idazleak, emakume ilustratzaileak, emakume protagonistak eta emakume apartak bilduz.

Irudiak ikusi eta gozatu!

5 urteko ikasleak bere argazkiak jartzen     

    

 

Eta, nola ez,… ZORIONAK  EMAKUME GUZTIOI!!!

 

Agenda

Programatutako jarduera osagarrien agenda.